Welcome to the blog of Santhosh Pala

കവിതകള്‍-സന്തോഷ് പാലാ

Sunday, June 8, 2008

ക്യാന്‍വാസ്

ആദ്യമാദ്യം
വലിയ ക്യാന്‍വാസില്‍ ആയിരുന്നു
എഴുതിയത്,വരച്ചത്.
അതിരുകളില്ലാത്ത
മൈതാനത്തായിരുന്നു
കളികള്‍.
വലിയ ഉച്ചത്തിലായിരുന്നു
മിണ്ടിയിരുന്നത്.

പിന്നീട്
ചതുരത്തിലൊതുങ്ങി
എഴുത്തും വരകളും.
കളിച്ചത്
കൃത്യമായ കളങ്ങളില്‍.
മിണ്ടുന്നത്
മുറിയില്‍ കേള്‍ക്കാനും.

ഇരട്ട വരയന്‍ ബുക്കില്‍ നിന്നും
വരയിടാത്തതിലേയ്ക്ക്
എഴുത്തു മാറ്റിയത്
ഇന്നലെ.
പടംവര നിര്‍ത്തിയത്
വറുതി മാസത്തിലും.
കളിക്കാരനില്‍ നിന്നും
കാണിയിലേയ്ക്കുള്ള പകര്‍ച്ച
ഒത്തിരി മുമ്പെ.
ഇപ്പോള്‍ ഞാന്‍
എന്നോട് മാത്രമേ
മിണ്ടാറുള്ളൂ.
എനിയ്ക്കു വേണ്ടി മാത്രം!

വീണ്ടും
എഴുത്തും വരയും
വലിയ ക്യാന്‍വാസിലാക്കാം
അതിരുകളില്ലാത്ത
മൈതാനത്തു കളിയ്ക്കാം
ഉച്ചത്തില്‍ മിണ്ടാം

മെഴുകിയിട്ടിരിക്കുന്നത്
ഒന്ന് കഴുകി തുടച്ചോട്ടെ...

5 comments:

യൂനുസ് വെളളികുളങ്ങര said...

ഉത്തരം പറയൂ ഇ ചോദ്യത്തിന്‍
അവള്‍ എന്റെ ഭാ‍ര്യയെ പോലെയാണ്
അവളുടേ മുഖത്ത് നോക്കി ഞാന് എപ്പോഴും പുഞ്ജിരിക്കുന്നു, ആകാംഷയോടേ !
അവളോട് ഒരു കാര്യം ഞാന്‍ ഓര്‍മ്മിക്കാന്‍ കൊടുത്താല്‍
ഞാന്‍ ചോദിക്കുന്ന സമയത്ത് അവള്‍ എനിക്ക് പറഞ്ഞുതരും
അവളെ ഉപയോഗിച്ച് ആളുകളെ വശീകരിച്ച് പണം ഉണ്ടാക്കാം
പക്ഷേ പിടിക്കപെട്ടാല്‍ ഞാന്‍ ജയിലില്‍ പോകേണ്ടിവരും
അവളെ അമിതമായി ഉപയോഗിച്ചാല്‍ മാരകരോഗത്തിന്‍ അടിമയാകും
അവള്‍ ആരാണ്‍ ?
http://thamaravadunnu.blogspot.com ലെക്ക് comment ചെയ്തോളൂ

malayalee said...

ലോകമെമ്പാടുമുള്ള 1000കണക്കിന്‌ മലയാളീകളെ കണ്ടെടുക്കുക

നിങ്ങള്‍ ആഗ്രഹിക്കുന്നുവെങ്കില്‍ നമുക്ക് ഒന്നായി ചേര്‍ന്ന് ഒറ്റ സമൂഹമായി ഒരു കുടക്കീഴില്‍ അണിചേര്‍ന്നിടാം. നിങ്ങളുടെ ചിന്തകളും വികാരങ്ങളും പരസ്പരം പങ്കു വയ്ക്കാന്‍ ആഗ്രഹിക്കുന്നുവോ ? ദയവായി ഇവിടെ ക്ലിക് ചെയ്യുക http://www.keralitejunction.com

ഇതിന്‌ ഒപ്പമായി മലയാളീകളുടെ കൂട്ടായ്മയും ഇവിടെ വീക്ഷിക്കാം http://www.keralitejunction.com

വേണു venu said...

ആശയം ഇഷ്ടമായി.:)

sv said...

മൂര്‍ച്ചയുള്ള വാക്കുകള്‍...

പുതിയ ജീവിതത്തിലേക്ക് എല്ലാ ആശംസകളും..

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

കൊള്ളാം....കേട്ടൊ